O Concello de O Pereiro de Aguiar adheriuse á Estratexia de Promoción da Saúde e Prevención no Sistema Nacional da Saúde que responde aos problemas de saúde máis relevantes da poboación e ofrece a todos os municipios a posibilidade de avanzar aproveitando a experiencia acumulada. Un exemplo de elo son os municipios da Rede Española de Cidades Saudables (RECS) da que formaremos parte.
Esta Estratexia propón o desenvolvemento de accións dirixidas a promocionar a saúde, previr as enfermidades, as lesións e a discapacidade, actuando de maneira integral durante todo o curso da vida sobre factores como a actividade física, a alimentación, o tabaco, o alcohol e o benestar emocional, tendo en conta as contornas nas que vive a poboación.
As actuacións que se poñerán en marcha nunha primeira fase céntranse en:
- Facilitar información de calidade para que todas as persoas poidan desenvolver estilos de vida saudables.
- Facilitarase información e colaboración dos recursos (sanitarios ou non) dispoñibles na zona para promover estilos de vida máis saudables. Deste xeito, coordinaranse os recursos ofrecidos na contorna sanitaria, cos dispoñibles na comunidade e na contorna educativa.
- Focalizaranse estas accións en poboación infantil, durante o embarazo e a lactación e na poboación adulta.
- Para a poboación maior de 70 anos, desenvolveranse plans de seguimento individualizado para a mellora da saúde e de prevención da fraxilidade. A finalidade é que a poboación maior manteña o maior nivel de autonomía o máximo de tempo posible.
Para a implementación da Estratexia é necesaria a constitución dunha mesa de coordinación intersectorial do municipio que contará con axentes do ámbito educativo, sanitario, transporte, deporte, asociacións, urbanismo, etc. Tamén se identificarán os recursos existentes para a promoción da saúde e a prevención no municipio mediante un mapeo de recursos.
Convidámolo a participar nesta presentación que terá lugar:
- DATA: 20 OUTUBRO
- HORA: 10:00h
- LUGAR: SALÓN ACTOS DO CENTRO DE DIA OS GOZOS
AFORO LIMITADO MEDIDAS COVID
CONFIRMACIÓN ASISTENCIA NO TELÉFONO 988 31 59 03 / 988 25 93 85 SERVIZOS SOCIAIS
