Pereiro Limpo e Bonito

Aprende a enviar os residuos aos contedores correctos e melloremos a reciclaxe entre todos 🙂

Envases de plástico, latas e briks

• Os envases deben estar baleiros antes de depositalos neste contedor.
• Non se deben introducir uns dentro doutros.
• Convén pregar os envases que o permitan para que ocupen o menor espazo posible.

Papel e cartón

• O papel e o cartón non deben conter elementos accesorios: argolas metálicas, grampas, arames, espirais, etc…
• É necesario pregar as caixas e introducilas pola ranura do contedor. Se as deixamos á beira do recipiente, móllanse e contamínanse, impedindo a súa posterior reciclaxe.

Envases de vidro

• Antes de introducir un envase de vidro no iglú verde, é preciso optar por reutilizalo para outras aplicacións. As posibilidades son múltiples.

Fracción Resto

• Aproveita ao máximo os alimentos e evita tiralos ao cubo do lixo.
• Non introduzas neste recipiente os refugallos susceptibles de ser reciclados.
• Utiliza o punto limpo para depositar os residuos especiais ou voluminosos.