Prezados veciños e veciñas do Pereiro de Aguiar:
Rematada a primeira tanda de vacinación a toda a poboación diana, e inmersos xa nas repescas mediante a autocita, diríxome a vós para solicitar colaboración. Se ben as taxas de poboación inmunizada son altas no conxunto da Área Sanitaria, non é menos certo que aínda temos unha cifra relevante de persoas sen vacinar. Algunhas delas por vontade propia, pero algunhas outras porque non teñen accedido ás convocatorias de vacinación por diversos motivos, entre as cales hai poboación especialmente vulnerable e é precisamente neste último colectivo no que queremos facer fincapé nestes momentos.
É por iso, que dende o Sergas piden colaboración ao Concello para atopar a todas aquelas persoas maiores de 12 anos que, non teñan accedido á vacinación e desexen facelo.
Qué teño que facer para vacinarme?
Anótate na lista chamando ao teléfono: 988 31 59 13
Os datos que presisaremos son:
- fotocopia DNI (ou documento equivalente)
- Teléfono de contacto
